Pagtalakay sa Juan 8:58 at Exodo 3:14

JUAN 8:58

NAGPAKILALA BA SI CRISTO JESUS NA DIYOS NANG SABIHIN NIYANG “AKO NGA” SA JUAN 8:58?

ANG mga nagtuturong si Cristo ay Diyos ay sinisipi ang Juan 8:58 para patunayang si Cristo raw ay Diyos. Totoo kayang ang talatang ito ay nagtuturo na si Cristo ay Diyos?

Hebreo 10:5

Hebreo 10:5

Si Cristo Ba Ay Existido Na Noon Pang Una At Diyos Na Nagkatawang-Tao?

Sister Periwinkle Diaz Asked:

“Magandang araw po. Sabi po kasi ng mga taga sanlibutan may existence na raw po si Jesus bago pa lalangin ang daigdig. Katunayan nga raw po ay sya ang bato na gumabay kila Moses sa 1Cor 10:4 at nakausap nya raw po ang Ama sa Hebrews 10:5 tungkol sa inihandang katawan sa kanya bago pa sya isugo ng Ama sa lupa.”

Note: May bukod na artikulo na nailathala na na tumatalakay sa I Corinto 10:4.

The Pristine Truth Answers:

Si Cristo raw ay existido na noon pang una (may pre-existence) sapagkat pinatutunayan daw sa Hebreo 10:5 na kausap Siya ng Diyos bago Siya pumasok sa sanlibutan o bago Siya bumaba sa lupa:

“Kaya't pagpasok niya sa sanglibutan, ay sinasabi, Hain at handog ay hindi mo ibig. Nguni't isang katawan ang sa akin ay inihanda mo.” (Hebreo 10:5)

Dahil din daw sa sinasabi sa talatang ito na “isang katawan ang sa akin ay inihanda mo” kaya maliwanag daw na si Cristo ay Diyos na pumasok sa kawatan ng tao o nagkatawang tao. Totoo po ba ito?

Tunay na ang mga naniniwalang si Cristo ay Diyos ay makabasa lamang ng talata na sa palagay nila’y magagamit sa pagpapatunay na si Cristo ay Diyos ay gagamitin na nila na hindi na susuriing mabuti ang sinasabi ng talata ng Biblia. Bibigyan na lamang nila ng pansariling pakahulugan upang palabasin na itinutururo ng talata na si Cristo ay Diyos. Ito ang mamapansin natin na paggamit nila sa Hebreo 10:5.

I Corinto 10:4 at Exodo 17:5-6

Si Cristo ba ang “Bato” na Kung Saan Nakainom ang Bayang Israel noon sa Panahon ni Moises?

Sister Periwinlke Diaz Asked:

“Magandang araw po. Sabi po kasi ng mga taga sanlibutan may existence na raw po si Jesus bago pa lalangin ang daigdig. Katunayan nga raw po ay sya ang bato na gumabay kila Moses sa 1Cor 10:4…?”

The Pristine Truth Answers:

Ang mga nagtuturong si Cristo ay Diyos ay kailangang mapatunayan nila na si Cristo ay existido na noon pang una (bago pa ipanganak ni Maria) sapagkat paano nga naman Siya magiging Diyos kung hindi pa Siya existido noong una. Ang isa sa halimbawa ng ginagamit nila parapatunayan na si Cristo ay existido na noon pang una ay ang I Corinto 10:4 na iniuugnay nila sa Exodo 17:5-6:

 “At lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo.” (I Corinto 10:4)

Sa talatang ito ay sinasabing “ang batong yaon ay si Cristo.” Ang tinutukoy daw na “bato” ay ang nasa Exodo 17:5-6:

“At sinabi ng Panginoon kay Moises, Dumaan ka sa harap ng bayan, at ipagsama mo ang mga matanda sa Israel; at ang iyong tungkod na iyong ipinalo sa ilog, ay tangnan mo sa iyong kamay, at yumaon ka. Narito, ako'y tatayo sa harap mo roon sa ibabaw ng bato sa Horeb; at iyong papaluin ang bato, at lalabasan ng tubig, upang ang bayan ay makainom.  At gayon ginawa ni Moises sa paningin ng mga matanda sa Israel.” (Exodo 17:5-6)

Kung si Cristo daw ang “bato” na mula rito nakainom ang mga Israelita nangsila’y nasa paglalakbay sa ilang sa panahon ni Moises, kaya ang konklusyon nila ay si Cristo raw ay existido na noon pang una? Tama ba sila?

Sa paggamit nila ng talatang ito para patunayan na si Cristo ay Diyos at existido na noong una pa ay naghahayag na hindi nila sinusuring mabuti ang mga talata ng Biblia kundi basta sa tingin nila’y magagamit nila para patunayan ang kanilang paniniwala ay gagamitin na nila. Ang totoo, sa paggamit nila ng mga talatang ito ay hindi lamang inihahayag na hindi na nila sinusuring mabuti ang mga talatang kanilang ginagamit, kundi wala pa silang pakundangan kung sila man ay lumabas na katawa-tawa. Ano po ang katunayan?

KAWIKAAN 8:22-30

Ang Panginoong Jesucristo ba ang tinutukoy sa Kawikaan 8:22-30?

UPANG patunayan na diumano’y itinuturo ng Biblia na si Cristo ay existido na noon pang una, bago pa nilalang ang sanlibutan, lahat ng sa tingin nila ay maaari nilang gamiting talata ay ginagamit nila upang gamiting katunayan nito bagamat wala naman doon sinasabi na si Cristo ay Diyos o si Cristo ang tinutukoy doon. Sa pamamagitan lang ng kanilang pagkaunawa o interpretasyon ay doon ay sa gayon lang nila napalalabas na si Cristo ang tinutukoy sa talatang iyon. Subalit, sa maraming pagkakataon ay napapahiya sila sa pagsasabing si Cristo raw ang tinutukoy sa mga talatang kanilang ginagamit. Ang isang halimbawa nito ay ang Kawikaan 8:22-30. Ganito ang sinasabi sa talata:

“Inari ako ng Panginoon sa pasimula ng kaniyang lakad, Bago pinasimulan ang kaniyang mga gawa ng una. Ako'y nalagay mula noong araw mula ng walang pasimula, Bago nalikha ang lupa. Ako'y nailabas ng wala pang mga kalaliman; Nang wala pang mga bukal na sagana ng tubig. Bago ang mga bundok ay nalagay, Bago ang mga burol ay ako'y nailabas: Samantalang hindi pa niya nililikha ang lupa, ni ang mga parang man, Ni ang pasimula man ng alabok ng sanglibutan. Nang kaniyang itatag ang langit nandoon ako: Nang siya'y maglagay ng balantok sa balat ng kalaliman: Nang kaniyang pagtibayin ang langit sa itaas: Nang maging matibay ang mga bukal ng kalaliman: Nang bigyan niya ang dagat ng kaniyang hangganan Upang huwag salangsangin ng tubig ang kaniyang utos: Nang kaniyang iayos ang mga patibayan ng lupa: Nasa siping nga niya ako na gaya ng matalinong manggagawa: At ako ang kaniyang ligaya sa araw-araw, Na nagagalak na lagi sa harap niya.” (Kawikaan 8:22-30)

Ipinakahulugan ng mga naniniwalang si Cristo ay Diyos na ang Panginoong Jesus daw ang tinutukoy dito sa talatang sinipi. Siya daw ang tinutukoy na “Inari ako ng Panginoon sa pasimula ng kaniyang lakad, Bago pinasimulan ang kaniyang mga gawa ng una. Ako'y nalagay mula noong araw mula ng walang pasimula, Bago nalikha ang lupa.”

Si Cristo ba ang tinutukoy dito sa Kawikaan 8:22-30?

Kawikaan 30:4

 

PINATUTUNAYAN NGA BA SA KAWIKAAN 30:4 NA SI CRISTO AY EXISTIDO NA SA PASIMULA PA?

Kailangang patunayan ng mga nagtuturong si Cristo ay Diyos na ang Panginoong Jesus ay may pre-existencia o existido na (may kalagayan na) bago pa ipanganak ni Maria, bago pa nilalalang ang sanlibutan, sapagkat paano nga naman magiging tunay na Diyos ang Panginoong Jesucristo kung ang Kaniyang existencia ay nagsimula lamang ng ipanganak ni Maria. Ang isa sa mga talata na ginagamit ng mga nagtuturong si Cristo ay Diyos upang ipakitang si Cristo ay may pre-existencia ay ang Kawikaan 30:4. Ganito ang nilalaman ng talata:

“Sino ang sumumpa sa langit, at bumaba?  Sino ang pumisan ng hangin sa kaniyang mga dakot? Sinong nagtali ng tubig sa kaniyang kasuutan? Sinong nagtatag ng lahat ng mga wakas ng lupa? Ano ang kaniyang pangalan, at ano ang pangalan ng kaniyang anak kung iyong nalalaman?”

Sa talatang ito ay may binabanggit daw na “anak” na bago pa pinasimulan ang paglalang ay sumampa sa langit at bumaba. Ayon sa mga naniniwalang si Cristo ay Diyos, ang tinutukoy daw dito na “Anak” ay si Cristo. Samakatiwid, kasama na raw si Cristo ng Ama bago pa pasimulan ang paglalang.

Si Cristo nga ba ang tinutukoy na “anak” sa Kawikaan 30:4 at nagpapatunay nga ba ito na si Cristo ay existido na noon pang una?

I JUAN 5:20

Si Cristo ba ang tinutukoy ng banggit na “Ito ang tunay na Diyos” sa I Juan 5:20?

GUSTONG PALABASIN NG mga naniniwalang si Cristo ay Diyos na si cristo ay tinawag sa Biblia na tunay na Diyos. ipinagpipilitan nila na sa I Juan 5:20 ay tinawag daw si Cristo na tunay na Diyos. Ganito ang isinasaad ng talata:

“At nalalaman natin na naparito ang Anak ng Dios, at tayo'y binigyan ng pagkaunawa, upang ating makilala siya na totoo, at tayo'y nasa kaniya na totoo, sa makatuwid ay sa kaniyang Anak na si Jesucristo.  Ito ang tunay na Dios, at ang buhay na walang hanggan.” (I Juan 5:20)

Sa talatang ito ay may banggit na “Ito ang tunay na Dios, at ang buhay na walang hanggan.” Sinasabi ng mga naniniwalang si cristo ay Diyos na ang tinawag dito na tunay na Diyos ay ang Panginoong Jesucristo.

Tinawag nga ba ang Panginoong Jesucristo na “tunay na Diyos” sa I Juan 5:20?

COLOSAS 2:9

Pinatutunayan ba sa Colosas 2:9 na si Cristo ay Tunay na Diyos?

Ang pahayag ng Colosas 2:9 na kay Cristo ay “nananahan ang buong kapuspusan ng pagka Dios” ay matibay na katunayan daw na si Cristo ay tunay na Diyos. Ganito ang sinasabi ng Biblia sa nasabing talata:

“Sapagka't sa kaniya'y nananahan ang buong kapuspusan ng pagka Dios sa kahayagan ayon sa laman,” (Colosas 2:9)

Sa saling King James version ay ganito ang pagkakasalin sa talatang ito:

“For in him dwelleth all the fulness of the Godhead bodily.” (Colosas 2:9 KJV)

Ang ikinakatuwiran nila ay ang pinanahanan ng buong kapuspusan ng pagka Diyos ay tunay na Diyos. Tama ba ang kanilang konklusyong ito? Pinatutunayan nga ba ng Colosas 2:9 na si cristo ay tunay na Diyos?

HEBREO 1:10

Si Cristo ba ang tinutukoy sa Hebreo 1:10 na “Manlalalang”?

Si Cristo raw ay Manlalalang, Siya raw ang lumalang ng langit at lupa. Maliwanag daw na ito’y pinatutunayan sa Hebreo 1:10. Ganito ang isinasaad ng talata:

“At, Ikaw, Panginoon, nang pasimula'y inilagay mo ang kinasasaligan ng lupa, At ang mga langit ay mga gawa ng iyong mga kamay.” Hebreo 1:10

Maliwanag daw na ang binanggit na “Panginoon” sa talata ay “Manlilikha” o “Manlalalang.” Sapagkat si Cristo raw ang “Panginoon” na binabanggit sa talata, kaya si Cristo raw ay “Manlalalang,” ang naglagay ng kinasasaligan ng lupa, at ang gumawa ng langit, anupat, si Cristo nga raw ay Diyos na Manlalalang.

Roma 9:5

Tinawag nga ba ni Apostol Pablo si Cristo na

Diyos sa Roma 9:5?

Ang mga nainiwalang si Cristo ay Diyos ay naniniwala na tinawag daw ni Apostol Pablo si Cristo na Diyos sa Roma 9:5. Ang talatang ito ay isa rin sa karaniwang ginagamit nila sa pagpapatunay na si Cristo raw ay Diyos.

Sa saling King James Version ang banggit lamang ay “who is over all God blessed for ever”:

“Whose are the fathers, and of whom as concerning the flesh Christ came, who is over all, God blessed for ever. Amen.” (Romans 9:5 KJV)

Subalit sa saling New King James Version ay tuwiran ng tinawag si Cristo na “eternally blessed God”:

“of whom are the fathers and from whom, according to the flesh, Christ came, who is over all, the eternally blessed God. Amen.” (Romans 9:5, NKJV)

Sa saling New International Version naman ay tuwiran na tinawag si Cristo na “God over all”:

“Theirs are the patriarchs, and from them is traced the human ancestry of Christ, who is God over all, forever praised! Amen.” (Romans 9:5 NIV)

Tinawag nga ba ni Apostol Pablo si Cristo na "Blessed God" at "God over all" sa Roma 9:5?

II Ped 1:1

Tinawag nga ba ni Pedro si Cristo na

Diyos sa II Pedro 1:1?

Pinipilit ng mga naniniwalang si Cristo ay Diyos na palabasing itinuro ng mga apostol na si Cristo ay Diyos. Ang II Pedro 1:1 ay ginagamit nila para palabasin na tinawag ni Apostol Pedro si Cristo na Diyos. Ganito ang sinasabi ng talata:

“Si Simon Pedro, na alipin at apostol ni Jesucristo, sa nagsipagkamit na kasama namin ng mahalagang pananampalataya sa katuwiran ng ating Dios at Tagapagligtas na si Jesucristo.” (II Pedro 1:1)

Subalit, kung tatanggapin natin na tinawag ni Apostol Pedro si Cristo na Diyos ay may mga suliraning dapat na sagutin. Ito ang mga sumusunod:

JUAN 20:28

Tinawag nga ba ni Tomas si Cristo na

Diyos sa Juan 20:28?

ANG TALATANG JUAN 20:28 ay isa sa karaniwang pinagbabatayan ng mga nagtuturong si Cristo ay Diyos sapagkat dito raw ay tinawag ni Apostol Tomas si Cristo na Diyos. Ganito ang sinasabi ng talata:

Sumagot si Tomas, at sa kaniya'y sinabi, Panginoon ko at Dios ko. (Juan 20:28)

Binanggit ito ni Tomas matapos na magpakita sa kaniya ang Panginoong Jesucristo.

Ang Pangyayari

Pagkatapos na mabuhay na mag-uli, si Jesus ay napakita sa Kaniyang mga alagad, subalit noon ay wala si Tomas:

“Nang kinahapunan nga, nang araw na yaon, na unang araw ng sanglinggo, at nang nangapipinid ang mga pintong kinaroroonan ng mga alagad, dahil sa katakutan sa mga Judio ay dumating si Jesus at tumayo sa gitna, at sa kanila'y sinabi, Kapayapaan ang sumainyo. At nang masabi niya ito, ay kaniyang ipinakita sa kanila ang kaniyang mga kamay at ang kaniyang tagiliran.  Ang mga alagad nga'y nangagalak, nang makita nila ang Panginoon. Sinabi ngang muli sa kanila ni Jesus, Kapayapaan ang sumainyo: kung paanong pagkasugo sa akin ng Ama, ay gayon din naman sinusugo ko kayo. At nang masabi niya ito, sila'y hiningahan niya, at sa kanila'y sinabi, Tanggapin ninyo ang Espiritu Santo: Sinomang inyong patawarin ng mga kasalanan, ay ipinatatawad sa kanila; sinomang hindi ninyo patawarin ng mga kasalanan, ay hindi pinatatawad. Nguni't si Tomas, isa sa labingdalawa, na tinatawag na Didimo, ay wala sa kanila nang dumating si Jesus.” (Juan 20:19-24)

Nang sabihin ng mga alagad kay Tomas na nabuhay na mag-uli ang Panginoon at napakita sa kanila ay ganito ang naging reaksiyon ni Tomas:

“Sinabi nga sa kaniya ng ibang mga alagad, Nakita namin ang Panginoon. Ngunit sinabi niya sa kanila, Malibang aking makita sa kaniyang mga kamay ang butas ng mga pako, at maisuot ko ang aking daliri sa butas ng mga pako, at maisuot ko ang aking kamay sa kaniyang tagiliran, ay hindi ako sasampalataya.” (Juan 20:25)

Hindi naniwala o sumampalataya si Tomas na ang Panginoong Jesus ay nabuhay na mag-uli. Pansinin na ang pinag-uusapan sa pangyayaring ito na isinalaysay ni Juan ay walang kinalaman sa kalikasan ni Cristo (kung Siya ba ay Diyos o hindi) kundi ukol sa pagkabuhay na mag-uli ni Jesus. Pagkatapos ay napakitang muli si Jesus sa Kaniyang mga alagad na sa pagkakataong ito ay kasama na si Tomas:

 “At pagkaraan ng walong araw ay muling nasa loob ng bahay ang kaniyang mga alagad, at kasama nila si Tomas.  Dumating si Jesus, nang nangapipinid ang mga pinto, at tumayo sa gitna, at sinabi, Kapayapaan ang sumainyo. Nang magkagayo'y sinabi niya kay Tomas, Idaiti mo rito ang iyong daliri, at tingnan mo ang aking mga kamay; at idaiti mo rito ang iyong kamay, at isuot mo siya sa aking tagiliran: at huwag kang di mapanampalatayahin, kundi mapanampalatayahin.” (Juan 20:26-27)

Sinabi  ng Panginoong Jesus kay Tomas na “huwag kang di mapanampalatayanin, kundi mapanampalatayanin” (na gaya ng pinatutunayan sa mga unahang talata, ang tinutukoy na di sinasampalatayanan ni Tomas ay ang pagkabuhay na mag-uli ng Panginoong Jesus). Pagkatapos nito ay ganito ang sagot ni Tomas:

Sumagot si Tomas, at sa kaniya'y sinabi, Panginoon ko at Dios ko. (Juan 20:28)