Friday, January 18, 2013

I JUAN 5:20



Si Cristo ba ang tinutukoy ng banggit na “Ito ang tunay na Diyos” sa I Juan 5:20?


GUSTONG PALABASIN NG mga naniniwalang si Cristo ay Diyos na si cristo ay tinawag sa Biblia na tunay na Diyos. ipinagpipilitan nila na sa I Juan 5:20 ay tinawag daw si Cristo na tunay na Diyos. Ganito ang isinasaad ng talata:

“At nalalaman natin na naparito ang Anak ng Dios, at tayo'y binigyan ng pagkaunawa, upang ating makilala siya na totoo, at tayo'y nasa kaniya na totoo, sa makatuwid ay sa kaniyang Anak na si Jesucristo.  Ito ang tunay na Dios, at ang buhay na walang hanggan.” (I Juan 5:20)

Sa talatang ito ay may banggit na “Ito ang tunay na Dios, at ang buhay na walang hanggan.” Sinasabi ng mga naniniwalang si cristo ay Diyos na ang tinawag dito na tunay na Diyos ay ang Panginoong Jesucristo.

Tinawag nga ba ang Panginoong Jesucristo na “tunay na Diyos” sa I Juan 5:20?



SAGOT:

UNA, Hindi sinabi ng Biblia na “si Jesucristo ang tunay na Diyos.” Walang sinabing gayun ang talata, kundi “Ito ang tunay na Dios, at ang buhay na walang hanggan.” Mapapansin na magkabukod na pangungusap ang banggit na “sa kaniyang Anak na si Jesucristo” at ang banggit na “Ito ang tunay na Diyos.”

IKALAWA, kung tatanggapin natin na si Cristo ang tinutukoy ng banggit na  “Ito ang tunay na Diyos” ay lalabas na si Cristo ay may anak na tinatawag na “Anak ng Diyos” sapagkat binanggit din sa talata na “At nalalaman natin na naparito ang Anak ng Dios.”

IKATLO, lalabas na dalawa ang Cristo: isang Cristong tunay na Diyos at isa pang Cristong Anak ng Diyos. Kung si Cristo ang binabanggit sa I Juan 5:20 na “Ito ang tunay na Diyosmagiging dalawa ang Cristo sapagkat sinasabi rin sa talata na “sa kaniyang Anak na si Jesucristo.” Anak ng tunay na Diyos si Cristo. Kaya kung si Cristo ang tunay na Diyos ay lalabas na Anak ng tunay na Diyos na si Cristo si Cristo.

Samakatuwid, maling-mali na ipakahulugan na si Cristo ang tinutukoy ng banggit na “Ito ang tunay na Dios, at angbuhay na walang hanggan.”

Kung sino ang tintutukoy na tunay na Diyos sa I Juan 5:20 ay siyasatin nating mabuti ang talata.

Ang sabi sa I Juan 5:20, ““At nalalaman natin na naparito ang Anak ng Dios.”Sino ang tinutukoy na “Anak ng Diyos” na naparito? Sinabi rin sa talata na  sa kaniyang Anak na si Jesucristo.” Samakatuwid, si Cristo ang tinutukoy na Anak ng Diyos na naparito.

Bakit naparito ang Anak ng Diyos na si Cristo? Ang sabi sa talata, “At nalalaman natin na naparito ang Anak ng Dios, at tayo'y binigyan ng pagkaunawa, upang ating makilala siya na totoo.” Naparito si Cristo upang bigyan tayo ng pagkaunawa upang makilala natin “siya na totoo.”

Sino ang “totoo” na ipinakilala ng Anak ng Diyos na si Cristo kaya Siya ay naparito? Ang sabi sa talata, “Ito ang tunay na Dios, at ang buway na walang hanggan.” Kaya, ang isa sa misyon ng Panginoong Jesucristo kaya Siya naparito ay upang ipakilala ang tunay na Diyos.

Sa mga saling New World Translation, Goodspeed at Contemporary English Version ay ito ang maliwanag na pinatutunayan:

New World Translation:
“But we know that the son of God has come, and he has given us intellectual capacity that we may gain the knowledge of the true one. And we are in union with the true one, by means of his son Jesus Christ. This is the true God and life everlasting.”

Goodspeed:
“And we know that the Son of God has come, and he has given us power to recognize him who is true; and we are in union with him who is true, through his Son, Jesus Christ. He is the true God and eternal life.”

Contemporary English Version:
“We know that Jesus Christ the son of God has come and has shown us the true God. And because of Jesus, we now belong to the true God who gives eternal life.”

Samakatuwid, ang itinuturo ng I Juan 5:20 ay naparito ang Panginoong Jesucristo upang ipakilala ang tunay na Diyos. Sa isa pang sulat ni Apostol Juan ay pinatunayan na talagang si Cristo na Anak ng Diyos ang nagpakilala sa tunay na Diyos:

“Walang taong nakakita kailan man sa Dios; ang bugtong na Anak, na nasa sinapupunan ng Ama, siya ang nagpakilala sa kanya.” (Juan 1:18)

Sino ang ipinakilala ng Panginoong Jesucristo na tunay na Diyos at buhay na walang hanggan? Sa pagtuturo ng Panginoong Jesucristo na itinala rin ni Apostol Juan ay ganito ang sinasabi:

“Ang mga bagay na ito ay sinalita ni Jesus; at sa pagtingala ng kaniyang mga mata sa langit, ay sinabi niya, Ama, dumating na ang oras; luwalhatiin mo ang iyong Anak, upang ikaw ay luwalhatiin ng Anak:
“At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesucristo.” (Juan 17:1 at 3)

Natupad ng Panginoong Jesucristo ang isa sa Kaniyang misyon sa pagparito sa mundo, ang ipakilala ang tunay na Diyos. Ang ipinakilala ni Jesus na tunay na Diyos ay iisa lamang, ang sabi Niya, “At ito ang buhay na walang hanggan, na ikaw ay makilala nila na iisang Dios na tunay.”

Napansin ba ninyo ang pagkakahawig ng pahayag na ito ng Panginoong Jesucristo na itinala ni Apostol Juan sa Juan 17:1 at 3 sa ipinahayag naman ni Apostol Juan din sa I Juan 5:20?

Samakatuwid, ang tintuutkoy ni Apostol Juan sa I Juan 5:20 na “Ito ang tunay na Dios” ay hindi si Cristo kundi ang ipinakilala ng Panginoong Jesucristo na iisang Diyos na tunay, ang KANIYANG AMA.

No comments:

Post a Comment

Comments submitted must be civil, remain on-topic and not violate any laws. We reserve the right to delete any comments which are abusive, inappropriate or not constructive to the discussion. Repeated violations are ground to be blocked from this blog.

Frequently Asked Questions


About the


Baptism



Bible



Bible and Qur'an




Contributions/Offerings



Death



Devil, Evil, Satan



Eating of Blood, prohibition on





Salvation



Soul

Worship Services




HAVE QUESTIONS?

You can post your questions here.